Þann 25. apríl 2012 afhenti Lionsklúbbur Hveragerðis og Lionsklúbburinn Eden Dvalarheimilinu Ás og Heilsugæslu Hveragerðis Þvagblöðru Ómsjá frá MEIKE. Við hjá Kiano ehf óskum starfsfólki, vistmönnum sem og Hvergerðingum öllum til hamingju með þetta nauðsynlega lækningartæki með von um að það létti þeim lífið sem þurfa á að halda. 

Tækið virkar þannig að það gefur mælingu á vökvamagni í blöðru, sem tryggir öruggari niðurstöðu en hefðbundin ómsjártæki eða "bönkun" veita, sérstaklega hjá fólki í yfirþyngd. Tækið er auðvelt í notkun þannig að starfsfólk lærir fljótt á að nýta það til fulls, auk þess sem það kemur með hjólagrind sem auðveldar notkun við sjúkrarúm. En umfram allt, þá spara tækið óþarfa þræðingar þvagleggs sem minnkar sýkingarhættu verulega að ekki sé talað um þægindi sjúklings.

Frá afhendingu MEIKE PBS V3.1 Blöðruómsjártækisins. 

Á mynd frá vinstri: Júlíus Kolbeinsson, formaður Lionsklúbbs Hveragerðis, Stella Hrönn Jóhannsdóttir, formaður Lionsklúbbsins Eden, Anna María Friðriksdóttir, hjúkrunarfræðingur á Ási, Hallgrímur Magnússon, læknir, Birna Sif Atladóttir, hjúkrunarframkvæmdastjóri á Ási, Júlíus Rafnsson framkvæmdastjóri á Ási, Kristinn G. Kristjánsson frá Lionsklúbbi Hveragerðis

Þessa dagana er hvað mest að gera hjá okkur í Kiano með að framleiða lok á heita potta, en veturinn sem leið hefur tekið sinn toll af þeim. Það er því ekki úr vegi að kynna sér hvernig við getum aðstoðað. Lokin eru alfarið íslensk framleiðsla og við fullyrðum að vandað sé til verka við efnisval, vinnu og frágang. Hægt er að velja um nokkrar gerðir ytri efna og í mörgum litum, þannig að allir ættu að finna "sitt" lok hjá okkur. Afgreiðslutíminn er hvað lengstur núna, en við vinnum hörðum höndum að því að stytta hann eins og kostur er. Þessa dagana má reikna með allt að þriggja vikna afgreiðslufresti.

 

Hafið samband og fáið nánari upplýsingar um lokin frá Kiano.

 

Nánari upplýsingar...